جار القمر

هيثم

أنا توقعت السيناريو ده في دماغي من اكتر من ست سنين وكنت حقيقي متوقع دخول البلاد النفق المظلم.. لان كل المؤشرات كانت تدل على انزلاقنا لهذا الاتجاه رغم ان الحياة كانت هادية جدا من ست سنين وما كانش فيه الكلام ده ولكن كان الفشل الاقتصادي مسيطر برضه ... وتوقعت حدوث ثورة في غضون عشر سنين وعشان كده تركت البلاد وهاجرت بقالي اربع سنين.... وأدي بشاير الثورة والعصيان المدني بدأت.....

اغلب المشكلة فينا، ومش في النظام...... احنا محتاجيين نتغير من جوانا ... الجيل ده محتاج ينسحق ويختفي تماما.... لان معظمه زي ما انت قلت بالضبط...... بايع القضية.

أنا مش عارف اللي انا عملته ده هروب ولا هو ده الصح.......

ما كتبت يا اخ هيثم عن حال اهل مصر .. يجب التعامل معه كأمر معلوم بالضروره .. مسلم بيه بمعني ابسط ..

فهو قائم منذ اذل .. و لا اخفيك سرا اني احب ان اصدق القول المنسوب لعمرو بن العاص الذي قال فيه عن  اهل مصر ...هي لمن غلب ...

ما احب ان اقول لك و لعبد العزيز عله يقرأ هذا..  هو لغه الخطاب التي لا اعلم يقينا لمن توجه . و لماذا ..

من يقرأ للمدونين هم مثقفي هذا الجيل ... ليس منهم من لم يستمع قصرا او بمحض الصدفه لهذه المفردات .

لماذا تتناول هذه المفردات علانيه . لا ادرى .. و لا اجد مبررا كافيا ..

 اذا كانت نابعه من غضب متمكن منا جميعا .. فنحمد الله انا نكتب و عندنا من الوقت ما نراجع فيه مفرداتنا قبل ان نرسل ما نكتب ليصدم اعين كل من قرأ .

 اما اذا كان المقصود ان نقول لقارئ اننا علي علم بهذه المفردات و نجيد استخدامها .. فلسنا نحن المعنين بالخطاب هنا لانا نبتغي العقل فيما نقرأ وليس الاذي ..

يا اخي التعامل مع الناس كما هم هوالواجب .. وليس محاولة تغيير الناس هو الاصلح ..

خاطبوا الناس قدر عقولهم ..
 

انتم قدوه للشباب رضيتم ام لم ترضوا لانكم قبلتم ان تسخروا عقولكم لما فيه صلاح المجتمع و البلد ...ولوكنت فظا غليظ القلب لانفضوا من حولك .. ولم يكن قدوتي و لا قدوتك بذاءا او شتاما ... ولايجب ان نشير لتجاوز لابي بكر و نجعله مثلا نضربه لناس كلما اردنا الاساءه .. كما فعل اخونا عبد العزيز للاسف اكثرمن مره ...

اخيرا و ليس اخرا.. والله لا اقصد من هذا الاوجه الله .. فأرجوا ان يتسع صدرك لما كتبت ان لم يكن لنيتي فيه فلفارق العمر ..
والله من وراء القصد

يا هيثم رسالة أيمن واضحة ولكنها لم تصلك على مايبدو

الراجل بيتكلم على شتمك وسبابك...ليس أكثر

حاجه تقرف , انا معايا هجرة لاحدى البلاد الحرة وكنت عمال اتدلع واؤجل ولما اصحابى يسألونى قاعد ليه فى مصر اقولهم : صفيحة الزبالة اللى بحبها. لكن الريحة طلعت قوي والناس مش فاهمه ولا حاسه بحاجه.ولو قامت ثورة الاخوان حيمسكوها وشويتين وحنعرف ان ما اصخم من سيدي الا ستى. مافيش حد بيحب البلد دي واحنا مانستاهلش الحرية لاننا واطيين الحرية لها ثمن ولو مش حندفعه حنفضل جزم قديمة. لك كل الحق فى اللى انت كاتبة حاجة تقرف.

عزيزي..

انت أصلا اتعاملت مع الناس..؟

ولا فاكرهم شوية بقر، حتسحبهم وراك ..؟

لأ.. ولما حد يعارض طريقة التغيير  المتركزة على رأس السلطة يبقى حمار ومش فاهم حاجة .

ولازم كلنا نبقى بلاشفة عشان نعجب .

يا سيدي قدم حاجة للناس الأول.. قدملهم منهج، خطة للنهوض بيهم أولا ..

إنك تقولي إنه لما حسني مبارك حيمشى البلد حينصلح حالها .

ده كلام فارغ ..

نهار : ابتديت اؤمن ان الشعب لن يتحرك لتغيير افكار او ممارسات او خطط .. و تاريخيا اعتقد ان الخطوط الحمرا للمصريين هي الاكل و الشرب و الدين و ممكن الشرف و العادات ... سيبك من ثورات النخب .. انا بتكلم عن لحظه الناس كلها طلعت و غيرت نظام .. طول ما النظام بينيم الناس بانه بيبعد عن حاجاتهم الاساسيه .. يبقى  انسى .. طول ما الحركات السياسيه مابتلمسش الحاجات دي يبقى  انسى برضه ..  مشهد الناس اللي كانت بتنضرب و بتنط من فوق اللجان بالسلالم عشان تنتخب الاخوان مش حايتمسح من دماغي بسهوله .. و ده عشان ايه ؟؟ واجب ديني .. 18 و 19 يناير : مساس بحاجات اساسيه ... شرعية النظام قايمه على رغيف العيش و المواصلات و الفول .. شيلوا الحكومه و نحط جمعيه استهلاكيه .. و لا كان في حاجه اتغيرت ... ده رأيي الشخصي
طبعا .. و طبقا لهذا الرأي فنظام مبارك و ماسبقه من الانظمه منذ فجر التاريخ يحكمون مزرعة دواجن ... للأسف

..

انونيمس 1 : الرساله وصلت وانا كمان كنت بتكلم على الاسلوب  في البوست

..

علي : انا لا بثبط همم و لا بطيخ .. ده رأيي و بعبر فيه عن همتي المثبطه اساسا .. حقك توافق او ترفض ..و دي مش مقاله في الاهرام و لا التليفزيون المصري موجهة للجماهير . دي مدونه بعبر فيها عن قرفي و وجهة نظري .. مش مستني حد ياخد اللي فيها و يروح يطبقوا يعني .. و مع احترامي .. لو الكلام بيصدعك بلاش تقراه برضه

..

انونيمس 2 : انت بتكلم مين اساسا ؟؟ اقرا البوست تاني .. انا ماقولتش ان لو حسني مبارك  مشى  البلد حاتتصلح .. بالعكس

 ..

يا عم علي : انت رأيك ان الحكومه عامله علينا مؤامره و نجحت تقنعنا اننا ماننفعش ..  حلو .. انا رأيي العكس .. و الله انت مختلف معايا اهلا و سهلا .. و انا مامسحتش و مش حامسح اي تعليق هنا ... لو بقى كلامي متخلف و بيعملك صداع او بيثبط عزيمتك فبلاش منه .. اهم حاجه راحة دماغك .. و بعدين حانفضل لامتى نسيب الموضوع الاساسي و نقعد نتكلم في الكلمه دي و السطر ده و ده قصده ايه و دي بتقول ايه ..علي قولي ازاي انت مقتنع ان حركة قوى سياسيه مالهاش اتصال بالناس ممكن تغير بلد .. مش نظام بلد يعني ماتشيلش فاسد تجيب افسد منه .. ازاي و معظم الشعب مايعرفش اساسا احنا بنتكلم على ايه .. ممكن تقنعني و ساعتها حابطل اصدعك !!

انا معاك ميه فى الميه و يمكن انت قدرت تعبر عن احساس ناس كتير بكلمات مباشرة و سلسة لكن السؤال اللى عايز اسألهولك و بسألوا لنفسى فبلك

اذا كان فعلا مفيش فايدة و دى النتيجة اللى هانوصلهل فى الاخر؟

يبقى معاناة مالك و علاء واللى معاهم دى على مفيش؟

يبقى اللى بيعمله القضاة ممنوش فايدة؟

كل ده لميين؟

مش للناس اللى لنت بتتكلم عنها و اللى اصبحوا للاسف كتير بسبب الجهل... والحهل معناه انعدام الوعى بصرف النظر عن مستوى التعلم

لكن لبنا احنا

ولو ختى كنا اقلية

نحرر البلد من الحكم الظالم

ونحرر الناس من الجهل

طبعا الكلام ده كلام مثالى و يمكن مجنون لكن مفيش حل قدامنا غير الامل والايجابية كل واحد باللى يقدر عليه لالن لو مش كده تيقى قيمة الكلام اللى بنقوله او حتى ايه قيمة التعليق ده

ولا حاجة

بص يا سيدى أنا ولاهى مش مغرم ان يكون ليا الكلمه الأخيرة فى أى موضوع، ولا عايز امسك فى تفصيلات ملهاش معنى بس هى ديه وجة نظرى فى شوية نقط:

اذا كان النظام هو اللى روج المفاهيم ديه ولا احنا الى تولينا ده بالنيابة عنه معرفش وميهمنيش كتير فى الأخر ترويج الكلام ده بيخدم جهه واحد هى النظام. وخصوصا انة يفتقر لكثير من الدقة ومش عايز أكرر كلام نهار

الناس اتغيرت فعلا السنتين اللى فاتوا و نوع االمظاهرات الى بتنزل سواء فرارجية لأمهات معتقلين وحتى مظاهرة تامر حسنى – مع تسلسمى بهيافة اللى عملوها – برضه ليها دلالة مهمة ومكنش ممكن تحصل من سنتين.

  حكاية ان الشعوب تتحرك عشان الديمقراطية والحرية مش عشان مطالب استهلاكية انسه ، محصلتش فى غير مصر ومش هتحصل فى مصر. فى الأخر شئنا أم أبينا الى بيحرك الشعوب هو المم، ودور المعارضه وحركات التغيير انها تثتثمر الغضب الشعبى وتربط الحرية بالمم.

إحنا هنا مبسوطين أوى من كلامك العبقرى دة. حنعمل منه نسخ مطبوعة و نوزعها على المعتقلين اللى عندنا من المظاهرات اللى فاتت و القضاة كلهم. لو عندك أكتر قول ماتخفش إحنا حنحميك و ليك مكفأة كبيرة أوى يا بطل لو رحت المظاهرة يوم الخميس الجاى و قلت كلامك الجميل دة للمتظاهرين بنفسك يا ريت كلهم يعقلوا بقى زيك ياااااااااااااااا رب

علي: شكرا على المقال .. اول مره اشوفه .. فيه افكار قيمه جدا .. بس زي ماقلت و انا معاك  ان المم اهم .. مش ده معناه ان النظام بيحكم مزرعة دواجن .. ؟؟ طب بفرض ان النظام ذكي و لو جزئيا و عارف  ان  الحته دي مايقربلهاش .. وده اللي حاصل فعلا ..  يبقى ايه الحل ؟؟

طب و بفرض ان الوضع الاقتصادي في البلد اتحسن .. بس زادت نسبة القمع و الاعتقال و سحل المتظاهرين .. يبقى ايه فايدة كل اللي اتسجنوا او ماتوا او حتى انضربوا ؟؟

للاسف الشديد من وجهة النظر دي .. يبقى كل معاناة مالك و علاء و غيرهم مالهاش فايده و لا تمن .. وهي دي رسالة التدوينه الاساسيه

==========================

المعلق اللطيف : ياريت لما تحب تورينا خفة دمك يبقى بعيد عن هنا ... مش فاتحنها مبوله احنا .. ناقصه علل هي  

اللي عايز يعلق بقى يعلق في الموضوع .. و يتكلم براحته انا مش حامسح حاجه .. بس اللي داخل فرحان بكلمتين وسخي عارفهم من غير ما يقول حاجه مفيده .. و اللي بيستظرف و عامل نفسه خفيف .. يبقى  تعليقه حايتمسح بالجزمه 

...

 بس كده .. اللي اوله شرط اخره نور

أمال إنت بس اللى تشتم يا كس أمك؟؟

مين اللى فرحان بكام كلمة شتيمة يا خول؟؟ مش كس أمك اللى كاتب الكلام اللى فوق يا شرموط؟؟

انا شتمت بس كنت بتكلم في نقطه و ماكنتش بشتم شخص معين زي ما سيادتك بتعمل  ... ممكن بقى يا عم المخبر انت تقولي انت عايز توصل ايه ؟؟ او ايه وجهة نظرك بالظبط؟؟ طيب .... انا شايف ان كلمتين من اللي بنقولهم كل يوم في الشارع عاملين مشكله عويصه .. و الموضوع بقى مباراة شتايم .. خلاص انا حاريحك و حاريح القراء اللي حيائهم ناقح عليهم .. و حاريح دماغي خالص .. و ادي الكلام اللي مش عاجبك شلته .. ممكن بقى اللي عايز يتكلم يتكلم في الموضوع  و الموضوع بس؟؟

آدي التدوينه القديمه قبل التعديل .. عشان الارشفه بس .. و عشان اللي عايز يقراها .. بس ياريت تبقى اكتر من 18 سنه .. ولو عندك مذاكره يبقى خلصها الاول بعدين تعالى..  

   يا سيدى متشكرين أوى إنك شلت عبارات كس و متناكة من المدونة و بدلتها بإبن جبانة وشتايم أخف و فى الحالتين إنت بتشتم أهل بلدك و منهم أمك و أهلك و القضاة و المدونين و الصحفيين و كله. مفروض نفرح إنك تكرمت و إحترمت أهل مصر وإكتفيت بشتايم أخف؟؟

زيك زى رئيس بلدك و جهازه الأمنى بتحتقر أهل بلدك

ربنا يهديك زى ما هدانى و إستقلت من أمن الدولة

وإحترم أنك لم تمسح كلامى الأخير و لم ترد بذاءتى بالبذاءة

أعتذر لك عما قلت

وأرجوك أن تعتذر لأهل مصر و قضاتها و صحفييها و كل شرفاءها

إنت عندك كام سنة؟؟ إمتى حتتعلم تدعو بالحسنى و تصبر و لا تعمم على كل أهل مصر؟؟

الثورات فى أى شعب لا تحدث فى ليلة أو أسبوع أو سنة حتى و لكنها تراكمات سنين و الثورات تحتاج قيادات لها تحترم و تقدر شعبها مهما كان

مهما كان

لحظه .. انا شلت السباب زي مانت بتقول عشان مسار المناقشه كان متعطل بسببها .. و اللغه و سيله عشان تبادل الافكار مش العكس .. كويس انك ابتديت تتكلم في الموضوع .. اولا لازم تفهم ان دي مساحه شخصيه جدا .. انا بتكلم فيها عن اللي بيضايقني او بينرفزني .. و القسم اللي انا كاتب فيه التدوينه دي اسمه : نرفزه و بالتالي انا مش بكتب تقرير او تحليل او حتى نظره للاحداث .. دي مجرد تنفيس ..

..

مش معني اني عدلت التدوينه يبقى انا رجعت عن رأيي .. بالعكس .. انا دلوقتي اكثر اصرارا ان غالبية المصريين شعب خانع و خاضع تماما في ما يتعلق بحقوقه و كرامته و معاملته كبني آدم ... و بالعكس شديد الإشتعال عندما يمس الامر حاجه من حاجاته الاساسيه , اظن كلام متفقين عليه و بتثبته الاحداث ... انا مش بدعو للثوره و لا يحزنون . انا كل الموضوع اني صعبان عليا الناس اللي ضحت بحريتها و حياتها و كرامتها في  سبيل ناس مش حاسه بالقضيه اساسا ... مش عارف المفهوم ده ماوصلش ليه من التدوينه ؟؟ الظاهر الشتايم غطت عليه .. و دي عادتنا برضه بنيجي في المظاهر و نقف

...

مين اتكلم عن القضاه او المتعلمين او الصحفيين او حتى المدونين ؟؟ انا بتكلم عن شعبك يا سيدي .. اهل بلدك المتمرطين في المواصلات و الطين و الورش انت راجل متعلم و بتعرف تدخل ع النت ياترى فكرت في اللي مش بيقرا و لا يكتب ايه رايه في الموضوع ؟؟؟ انا نزلت مظاهرات و حملات انتخابيه  و انتخابات اتحاد جامعه و غيرها و كم الاحباط اللي جالي من سلبيه الناس مرعب  .. الطلبه اللي دماغها فاضيه و الامهات اللي مابتابعش غير المسلسلات .. من حقي اشتم الخانع و اقوله في وشه انت متواطىء .. يا اخي مش لازم يفهم سياسه و لا يعرف اللي بيحصل بس انسانيا يعني .. او حتى دينيا في بلد  الناس بتنادي كل يوم ان الاسلام يبقى قانونها .. حد يشوف اللي حصل ده و يسكت ؟؟؟ يبقى جبان و خانع و ابن كلب كمان

...

انا بشتم نظام الشعب الحيواني .. نظام عض  قلبي و لا تعض رغيفي .. نظام انا و من بعدي الطوفان .. الاسباب ايه بقى مش مشكلتي .. لما غالبية الشعب يبقى محترم و يقدر التضحيات اللي قله من شبابه بيدفعها عشانه ... حابقى اعتذر يا عم المخبر

...
 

لا من فضلك .. اكيد فيه فايدة .. والا حياتنا مش هايكون ليها اى معنى

انا عارفة طبعا ان بركان الغضب اللى انت صبيته فى التدوينة بتاعتك المرة دى كل كلمة فيه بتقول انه مش فيه فايدة فى اى شئ .. وان الناس اللى اعتقلوهم زى مالك وعلاء والشرقاوى واسماء على كلهم اعتقلوا من غير تمن .. دفعوا تمن حريتك وحريتى وحرية ناس بتناضل عن طريق النت وناس تانية ولا تعرف اصلا بوجودهم

طبعا مش قصدى ان انا وانت بناضل عن طريق النت

لو عايز تكسب معركة لازم يكون حواليك ناس كتير حتى لو مجرد تأييد .. وده للاسف مش موجود .. وزى ما انت بتقول دلوقتى ان محاكمة تامر حسنى كان فيها ناس اكتر من اللى كانوا موجودين فى المظاهرة .. رغم بشاعة القضية المتهم فيها .. تفتكر ده راجع لايه؟

سطحية ؟؟ .. سلبية؟ .. هيافة؟ .. ولا مزيج من كل ده؟

سهل قوى اتوقع اجابتك .. وعلشان كده بسألك سؤال تانى .. ايه اللى وصل الحال لكده ؟

مش شرط يكون حواليك بس ناس كتير .. لا .. لازم كمان يكون اللى حواليك ناس فاهمة .. والشرطين دول لو اتجمعوا يبقى انت خلاص .. تستحق ان الدولة تقف وتسمعك .. غير كده هانكون مجرد خارجين عن القانون .. حتى لو كان قانون طوارئ

وقبل ما تحكم على مصر ان كانت هاتتغير ولا لا .. جربت انت الاول تغير فيها؟ .. جربت تجيب واحد وتفهمه ان اللى بيحصل ده لمصلحته وهايأثر على رغيف العيش وعلى حياته؟ .. جربت تثبتله بالدليل انه فى البلد دى المفروض يكون زيه زى رئيس الدولة وله نفس الحقوق وعليه واجبات لازم يأديها؟

جربت تغير من نفسك انت للاحسن؟

اقولك حاجة ؟؟ .. ناس كتير سمعت عن المظاهرات اللى حصلت امام دار القضاء العالى وطبعا مش راضيين عن اللى بيحصل .. عارف ليه؟

لما سألتهم انا قالولى ان البلد كلها فساد .. وحتى القضاة فيه منهم فاسدين .. وبصرف النظر اذا كان الناس اللى بتتحاكم دلوقتى هى اللى كشفت عن الفساد ولا غيرها لكنهم من ضمن المجموع .. السلبية مش بس علشان رغيف العيش .. لكن لانهم ومن جواهم مؤمنين زيك انه فعلا مش فيه فايدة من اى شئ وانهم مهما عملوا (مش هايغيروا الكون) .. وان الهتافات والمظاهرات مش هاترجع حق

الناس اللى كانت بتوزع المنشورات زمان مش كانت بتعرف تقرا .. لكن كان عندها حس وطنى عالى وعاوزة تشارك باى شئ .. دلوقتى بعد كل مؤيدين تامر حسنى تفتكر ان فيه حس وطنى فى البلد دى؟

اديهم عايشين .. وزيهم زى غيرهم .. عيشة والسلام

صحيح ان اهم حاجة الناحية الأستهلاكية، بس ديه مش نقيصه ولا حاجه بتميز الشعب المصرى عن بقية شعوب الأرض، حتى الثورة الفرنسية نفسها مقامتش غير بعد ما الضرائب زادت بشكل لا يطاق و الحكومة مباقتش عارفه  توفر للشعب الغذاء الكافي،و الشعب نفسه شايف حكامه فى نعيم ورفاهيه ملهاش حدود. حتى فى الديمقراطيات المستقرة أهم حاجة بترجع كفة مرشح عن مرشح تانى هى الجانب الأقتصادى.

أما أن نظام مرتكز اساسا على الفساد ،شديد المركزيه قائم على سلطه مطلقه لرجل واحد لا يعترف اساسا بتداول السلطه بيمارس القمع على شعبه وبيعانى من سوء الأداره والتخطيط والقيادات فيه بتختار على اساس أهل الثقه مش أفل الخبرة ، ممكن يتحسن اقتصاديا، أعتقد مستحيل . طبعا لازم نسب البطالة والفقر تزيد ولازم كوارث زى العباره والأرهاب يساء ادارتها لأبعد الحدود، وده دور المعارضه انها تورى الناس العلاقه المباشرة بين السلطه المطلقه لرجل واحد والبلاوى السوده ديه كلها.

أما ان الناس مش مقدره ولا فاهمه، فكل واحد حر فى منطلقاته فيه واحد بيسعى لنشر قيم الحريه والعدالة فى سبيل الله وفي فيه واحد بيسعى للتحرر فى سبيل قيمة الحريه نفسها اما الأرتكاز على قيم نسبية زى خدمة الناس فالنتيجه غالباً هتقى الكفر بالناس وبالحرية لأن الناس غالباً مش هتقدر الكفاح ده.

كلامك بضين جدا . متفق مع المعلقين اللي نقدوك. مثلا فيولينا لما اتكلمت عن ان فيه ناس من "الشعب" مش بتتعاطف مع القضاة ، أقولك ده طبيعي. فيه ناس ماتعرفش من القضاة غير انهم اللي معاهم فلوس وامتيازات وبيركبوا سيارات عليها بادجات ومياخدوش مخالفات ، والنظام القضائي المتهالك. هتقوللي ماهو ده أصل شعب معرفش ايه. أقولك هيا دي الصورة اللي وصلتلهم عنهم. زي كدة صعب ان تلاقي الشعب كان يتعاطفمع اضراب بتوع التحكم الجوي في المطارات لما اتقال انهم بياخدوا آلافات مرتب. دي قضية مهنية فئوية.. ليه المسيسين اتضامنوا معاها؟ عندهم أسبابهم -، والشعب عنده اسبابه. ولو عايز تحط بعد مثكف على الرأي الشعبي فقول ان القضاة جزء من بنية النظام الفاسد في رأي الشعب.

  المعارضة الجديدة فشلت في التواصل مع الناس، لعيوب في خطابها أو بنيتها أو وسائلها أو المكونين لها أو للعوائق المواجهة لها. الله أعلم. هيا حققت نجاحات بسيطة ، لكن أوسخ شيئ ممكن أتوقعه من حد قريب من المعارضة دي - اللي أنا جزء منها على فكرة- انه بدل ما يحاول يفهم ويتعلم من أخطائه ، يلف ويشتم شعبه.

 انت بتتجاهل سنين طويلة من القمع والحبس والاعتقالات، ومن خنق النقابات ومن منع أي عمل جماعي ومن تأميم كل الانشطة الاهلية اللي ممكن تنقل رأي الناس، بتنسى أمن الدولة اللي بيراقب الخطباء عالجوامع والاساتذة والعمد والصحفيين، بتنسى أي جمعية أهلية اللي لازم تعدي على أمن الدولة، بتنسى السنين اللي الناس كانت بتشوف فيها قطعان وقطعان من البشر بتترمى في عربيات الترحيلات وهوب، بتنسى يا حبيبي اضرابات المصانع اللي الأمن كان بيقتحمها ويضرب ويعجن ويقتل، بتنسى أي مأمور قسم معفن بيهدد واحد مش عاجبه شكله ويقوله هعملك قرار اعتقال وأوديك ورا الشمس،

 انت فاكر ان نظام مبارك بكل هيلمانه  هينتهي يا شطور من غير شوية خساير بسيطة كدة؟ يعني لما حد يقول يسقط حكم العسكر يقوم أول ما يتحبس خمسين واحد يعيط ويرفس برجليه الأرض ويقول مش لاعب ، متحركش الشعب  ليه؟  ولا انت لما وقت الدفع جه قلت مش عاوز أدفع ، خسارة التمن في الشعب؟

 وبالنسبة لضيقك من موضوع المم هو المهم روح بص على أطروحات اليسار الديموقراطي في البوصلة، وشوف نقدهم لخطاب كفاية.

زريبة؟ مزرعة دواجن؟ يا حبيبي...

انت يا بابا متعرفش الشعب اللي انت بتشتمه باحط الالفاظ بكل سهولةيا واطي  ازاي بيحاول يفضل ويصارع في معارك يومية عشان يعيش. متعرفش الناس اللي بتحارب عشان تاكل وتشرب وتعلم عيالها. معنى السلطة وتعاملها معاك يا طالب جامعة غير تعاملها مع معظم أبناء الشعب اللي انت بتطالبه انه أولا يعرف ان فيه حاجة اسمها أزمة استقلال السلطة القضائية على أساس انه بيتابع المدونات، ويفهم معنى ده، ويحس انه بيشجع جانب القضاة، وكمان ينزل مظاهرة- يتعامل فيها السادة النشطاء معاه على انه الأخ التابع اللي بيملا مكان-  ممكن يترمي فيها في السجن وميلاقيش حد يصرف على عيلته ، ويقوم بده بكل رضا ، في سبيل الليبرالية اللي السادة المثكفين اكتشفوا انها الحل  عشان هيا الموضة في بلاد برة كدة اليومين دول. وان معملش كدة وسمع كلام سيادتك ابن امبارح يبقى يستاهل الشتيمة؟

انت خول ياد؟

كلامك بيحتقر جموع المصريين، وبيحتقر المنطق ، وبيحتقر مجهودات كتير من المصريين اللي يمكن عشان مش علمانيين انسانويين وليبراليين مؤيدين لأمريكا بيطلعوا في الدش ، حضرتك متعرفش استحملوا ايه عشان مصر

انا سعيد بحاجة واحدة، ان أمثالك يأسوا بسرعة قوي، وده كويس، عشان مهما كان انا اتعلمت اثق في ارتباط الناس بحد معين، وأنا واثق انهم مش هيرتبطوا أبدا بحد بيحتقرهم، وبيحتقر نفسه بالتبعية زيك

 مبدئيا انا سعيد جدا بالنقاش .. حقيقي

 يا ساده انا ما شتمتش اللي نايمين في الدره عشان مش عايزين يتحركوا سياسيا او ينضموا لحركات التغيير  اذا كان انا نفسي بادعو في التدوينه دي لعدم النزول للشارع .. يبقى ازاي ؟؟

والاخ المناضل صاحب اخر تعليق .. باني كل كلامه على نقطة اني بدعو المصريين للثوره و لما لقيتهم نايمين قعدت اشتم في اهاليهم !!!!!

لازم اوضح حاجه مهمه جدا , انا لما كتبت ان الناس مش بتتحرك .. كتبت بعديها (( الا لما حد يتعدى على حاجاتها الاساسيه)) .. و ساعتها كل الشحنات سياسيه بقى او غيرها بتتفرغ و بتبقى نهاية النظام او على الاقل شرعيته

..

مع احترامي و ممكن اكون غلط .. بس فكرة ان مافيش فايده من الحركه في الحاضر .. او ان الشعب سلبي لدرجه لا تؤثر معاها كل خطط المعارضه اتضح انها فكره مخيفه جدا .. لدرجه ان اغلب المناضلين و المعارضين و المتحمسين بيحسوا بوجع لما تتقال قدامهم .. و بيحاربوا حرفيا عشان يثبتوا خطأها ... مع احترامي برضه و ممكن يكون  اللي حقوله ده بيضان مني .. بس حسيت فعلا ان معظم اللي بيعلقوا كانهم بيحاولوا يثبتوا لنفسهم انهم صح .. عشان يرتاحوا من جوه

...

الاخ المجهول صاحب اخر تعليق .. شبط في فكره عاملاله ازمه و قعد يرد على نفسه عشان يقنعها .. عامة انت حر في كلامك طبعا .. و احنا نرحب بيك هنا كمساحه للفضفضه.. يبقى تعالى كتير

... 

نيجي لكلامي اللي عامل ازمه ... ياريت تقروا الكلام كويس قبل ماتعملوا بالوو .. اللي كتبته كان شقين 

جزء بيشتم و بيلعن الناس اللي مطنشه مش بسبب انهم مش عايزين ينزلوا يتظاهروا او نفسي انهم كلهم بعد ماشافوا اللي حصل ينضموا للغد و شبابا و كفايه (( الله يرحمها )) .. بالعكس .. الفكره ان اي انسان طبيعي شاف المجزره اللي حصلت دي .. ع الاقل يستنكر او يحاول يفهم هي حصلت ليه .. انا بخاطب الجزء الانساني من الجماهير النايمه رد الفعل الشعبي اللي كنت متوقعه ... الصراحه صعب عليا انها ماتكونش قضيه شعبيه زي الاكل و الشرب و النكاح و الرسوم الدنماركيه الهبله .. اتصدمت بصراحه لما لقيت السلبيه دي حتى في ردود فعل تجاه ناس بتتسحل منهم و عليهم .. حسيت بالشعور ده قبل كده يوم اخلاء اعتصام السودانيين في مصطفى محمود .. ساعتها قبلت تفسير الكثيرين بان ده كله مجرد نزعه عنصريه .. لكن الحقيقه اني اقتنعت الآن بانها سلبيه لا اكثر و لا اقل .. سلبيه مميته بانتلي اكتر ايام احداث الكنيسه و شارع 45 .. الناس اللي كانت بتتفرج و بتضحك و بتشجع .. منطق ان طول مانا في السليم يبقى خلاص ... و ده سبب اني متنرفز و بشتم و بهاجم ..  انا مش طالب و لا متوقع من الناس انهم كلهم ينضموا لكفايه بكره .. اولا لأن مش كل الناس دماغها اسلاميه و لا كل الناس دماغها ليبراليه و لا كل الناس ليها في السياسه اساسا , اللي كتبته كان نابع من احباط .. ازاي يتحول وسط البلد لعراق و ردة الفعل تيجي بالضآله دي؟؟ كنت متوقع اكتر من كده .. و ده سبب ثورتي .. و برضه عشان ماكونش متعصب لرأيي او بحاول اظهر نفسي صح على طول .. اعترف قسيت شويه في التعبير عن الثوره .. بس برضه ده لا يمنع ان معايير انسانيه كتيره و مهمه اختفت من ضماير طبقه كبيره من الناس .. وده مع اعتذاري ماينفعش يتزوق او يتسمى بغير اسمه

 ...

الشق التاني هو كلامي للمتظاهرين من اصحابي اليومين دول : ماتنزلوش و تضحوا بحريتكم في سبيل حاجه مش حاتعمل تأثير , و بتكلم ع اللحظه الحاليه .. انا صعبان عليا اصحابي اللي اتمسكوا .. عارف لو الحبس حايعمل تأثير كنت رحت حالا سلمت نفسي ..  القضيه ان مفيش تجاوب في الشارع , طب ليه ؟؟ نرجع تاني لنقطة البدايه .. الخطاب الموجه للناس دي مش بتاعهم .. القضايا مش قضاياهم ببساطه .. انا ( و كلامي للمعلق الاخير) مش متوقع ان الناس كلها تعرف ازمة القضاه و لا ازمة الاحزاب و صراعتها الداخليه .. و لا بهاجم الناس للسبب ده .. بالعكس انا لو كان اللي حصل الخميس ان مظاهره بتنادي باستقلال القضاه و اتلمت بهدوء و بدون اهانات ماكنتش حافتح بقى .. ببساطه لان عارف ان دي مش قضية اي حد في الشارع .. لكن كون ماحدش اتحرك مثلا يوم الاعتداء على الستات السنه اللي فاتت .. او الاعتداء على المواطنين الخميس اللي فات .. يبقى اكيد في خلل .. خلل في رد الفعل الانساني يا اخي .. مش عايز حد يبقى سياسي .. و انا قلت اني بكتب الكلام ده مش كتحليل و لا تفسير لاسباب عدم ثقافة الشارع السياسيه .. انا بكتب خطاب لاي حد مايعرفش .. بقوله ان الصور دي المفروض تخليك تعرف ع الاقل ايه اللي بيحصل.. متفقين ؟؟

انا مقلتش ان الشعب المصري مش بيتحرك في الازمات .. انا قلت و مازلت مصر ان الازمات دي هي اي حاجه تمس تابوهاته .. و غير كده لأ ... الاخت المعلقه و غيرها اللي كانت بتقول ان التظاهر و غيره ماكانش ممكن يحصل من سنتين مثلا ..او اللي بتدلل على التظاهر عشان تامر حسني بانه دليل خير .. الناس مانزلتش قبل كده عشان وفاة عبد الحليم او ام كلثوم او حتى عبد الناصر ؟؟ الالاف اللي كانت بتتظاهر عشان حبة رسوم كارتون عبيطه او حتى عشان لقمة العيش الاهم في احداث يناير ماكانتش مظاهرات برضه ..؟؟؟ اللي كانوا بيتظاهروا عشان وفاء قسطنطين او الكشح او ضد ايات سلمان رشدي الشيطانيه ماكنتش ثورات غير مسيسه على الاطلاق ؟؟ للاسف انا ابتديت اقتنع ان الحركات خلقت انتصارات و صدقتها .. مش معنى انك قدرت تنزل و تجعر و تعمل صوت و بالونات و تمسك طبله و ترفع شعارات ساخنه .. ان الشعب صحا كده او انك اول واحد عملت مظاهره في البلد.. لأ الحقيقه ان النخبه هي اللي قدرت تنزل بس ..او قدرت بمعنى ادق تصرخ بعد ماكانت مكتومه .. التغيير اللي حصل من سنتين ده مش تغيير في الشارع قد ماهو تغيير في النخب اللي بتغلي و كان نفسها تتكلم .. طب و الشارع بره اللعبه ليه ؟؟ مش مشكلتي احلل دلوقتي لكن عوامل كثيره .. ذكرها الاخ هتيف المظاهرات اللي علق قبليا على طول .. و ازيد عليها حته انا مقتنع بيها وهي ان النظام حاطط خط احمر مايقربلوش وهو الاكل و الشرب و الدعم و المرتبات .. سألت علي اذا افترضنا ان الاقتصاد اتحسن .. الناس حاتتحرك بسبب قمع سلطوي او انتهاكات للحريات .. طبعا اكيد مش حايتحسن اقتصاد متمرمط في فساد حكومي شامل .. بس سؤالي كان نظري عشان  اثبت علاقه معينه بين الاستهلاك و السلبيه .. طبعا دي مش نقيصه و لا حاجه .. و صحيح ان اهم ثورات العالم قامت لاسباب اقتصاديه بحته .. و اهم انظمة العالم وقعت لنفس الاسباب لكن ايه الحل ؟؟ ان المعارضه تشرح للرجل في الشارع ان سبب فقره وجوعه هو الحكومه ؟؟ الربط بين الاوضاع السيئه و النظام ؟؟؟ جميل بس مين قالك ان مجهود مضاد مابيحصلش من طرف النظام ده ؟؟  انا برضه مش مشكلتي ازاي نساعد المعارضه او الحركات المفروض تعمل ايه .. الشق التاني من كلامي .. هو يا جماعه ياللي نازلين مظاهرات .. اليومين دول .. و المعارضه لسه ماظبطتش خطابها .. و لا حشدت الشارع .. و ياناس ياللي نازلين يوم الخميس .. بلاش ,  جهودكم مالهاش لازمه .. ع الاقل في الوقت الحالي .. حاتخسروا كتير ع الفاضي.. اما الكلام الرومانتيكي بتاع ان لازم نعمل حاجه و لازم نكسر جدار الخوف و اللي مش عارف ايه .. فياريت توفروه للمسلسلات .. اعمل حاجه لما يبقى عندك قوه وراك تسندك .. لما تلاقي قضيه ممكن تدافع عنها و في نفس الوقت تبقى قضية ملايين .. مش قضية كام ميه على الانترنت .. عجبني جدا الاخوان و هم عاملين حمله عن انفلونزا الطيور او عن العباره .. كان فين الشباب المناضل و المواضيع دي اهم بكتير بالنسبه للمصري العادي من القضاه و ناديهم و خلافاتهم .. ؟؟

رجاء اخير .. ماحدش كل شويه ييجي يقولي انت ماتعرفش الناس او انت بتعمم و الكلام ده .. اللي بقوله في الاول و الاخر انطباع عن مجتمع ووجهة نظر شخصيه .. انا شابف الناس كده و دي ملاحظاتي عليهم .. و بعدين الاخوه المعلقين مايعرفونيش و لا يعرفوا ظروف حياتي و لا معيشتي .. الناس اللي بتكلم عنهم مش بشوفهم في الافلام زي بعض الرفاق نزلاء فندق اليوناني بطلعت حرب .. الناس دي انا منهم  و عايش معاهم ..  و ياريت ماحدش ياخد انطباع اني بدون و على حجري اللابتوب و للا قاعد ع البسين .. انا بكتب في اكتر منطقه شعبيه ممكن تتخيلها في المدينه .. و اهم من كده .. ظروفي اقل كتيرمن ظروف ناس انا بعيب عليهم فوق في كلامي .. و برضه انا نفسي مش مستعد انزل و اعرض مستقبلي او شغلي او حتى حريتي لخطر الا لو القضيه تستحق.. و تجيب ثمارها  .. اعتبرني يا اخي واحد من الناس اللي بتكلم عنهم .. الاختلاف الوحيد ان اللي حصل الخميس حركني .. و افتكرت انه حايحرك غيري و ماحصلش .. بس برضه حاستنى القضيه اللي تحرك عدد انا شايف انه حايعمل حاجه لو اتمسك في سبيله

و زي ماصديق قالي مره : انا مش مستعد رجلي تتكسر في مظاهره .. ماحدش حايصرفلي بدل مرض .. او اعتقل  و ماحدش بيشغل رد سجون ..

وهو ده بالظبط اللي انا مقتنع بيه وبعمله مش حانزل اتظاهر في قضيه بتاعت مثقفين و سياسيين  ..خصوصا لو تسعين في الميه من الناس مش عارفين انت بتعمل كده ليه اساسا .. ولو عملت كده حابقى  مجنون 

...

يا عم هيثم اهدى شوية

عندك حق في أن اللي حصل يوم الخميس المشئوم يخلينا نغير وجهات نظرنا في أشياء كثيرة ..

وعندك الحق في انتقادك للسلبية المفرطة التي يعاني منها أغلب الشعب .ولكن لهذه السلبية أسباب متعددة منها غياب الوعي والإعلام الحكومي المضاد

أقرأ مقالة عبد الله كمال في روز اليوسف 13 / 5 / 2006 بعنوان استنزاف مصر وشوف الكذب والخداع والضحك على الدقون وصل لأي درجة

http://www.rosaonline.net/alphadb/article.asp?view=1150

أؤيدك في عزوفك عن المشاركة في المظاهرات في الوقت الراهن ، ولكن لا أؤيدك في أن مشكلة القضاة بعيدة عن هموم الناس أو بالأحرى لا يجب أن تكون بعيدة عن هموم الناس لأن هذه المحاكمة نتجت عن رفضهما لتزوير الإنتخابات أي تزوير إرادة الشعب

ممكن تكون محبط النهاردة والأسبوع الجاي ، بس يمكن الشهر الجاي تقول سواق تاكسي ولا قهوجي كلمتين حيفرقوا معاه ويأثروا في مستقبله ..

هيثم انا متابع دائم لمدونتك, وحاسس باللي انت حاسس بيه كويس لكن انا عندي رأي غريب شويتين التوهان والجهل اللي الناس فيه سببه قلة التعليم او عدمه. ايه فايدة الحرية لشعب جاهل مش حيعرف يختار صح كام واحد ممكن يروح ينتخب واحد زي علاء مثلا , حاليا كفاية اي حد يروح يقول للناس ده كافر والعياذ بالله ليبرالى حتلاقي كل الناس شتمته وهما مش عارفين ليبرالي يعني ايه. مشكلتنا اللى المفروض نحاول فعلا نحلها اننا نعلم الاجيال اللى طالعة صح لو عملت ايه دلوقتي مافيش فايدة واللي بيحصل في العراق يؤكد اللي بقوله النلس لازم تتعلم الاول والا لو حصلوا على شوية حرية مش حيبنوا لا دول حيكسروا ويهدوا كل حاجة, التعليم ثم التعليم ثم التعليم .... 

العزيز جار القمر,

تحيه وأعزاز من شخص لا تعرفه لكن يحترمك ويقدرك جدا من وقت أن قرأت وصفك المحايد الدقيق لأحداث الأسكندريه.

أصبت يا ولدى كبد الحقيقه بكلامك الموجع المؤلم الصحيح بكل ألم. ولكى أبرهن كلامى أسمع ياسيدى قرأت بالأمس بجرية القبس الكويتيه الخبر المضحك المبكى الاتى: 

دور يا كلام على كيفك دور

خلى بلدنا تعوم فى النور

ارمى الكلمه فى بطن الضلمه

تحبل سلمى و تولد نور

يكشف عيبنا و يلهلبنا

لسعه بلسعه نهب نثور

عزيزى جار القمر , اعلاه هو احد مقدمات أغانى الراحل الشيخ أمام , الذى تربى جيلى على أغانيه ( سنى 42 سنه ) أقدر ثورتك و غضبك ,و أعترف أنى فى كثير من الأوقات أشعر بذات الشعور ..اليأس الكامل من الأصلاح من الداخل , و أجدنى عند مناقشة أصدقاء لى من عرب 48 مثلا .. اجدنى أحسدهم على حالة الأحتلال الأسرائيلى .. مقارنة بحالة الأحتلال اللى مالوش مله الذى نحن تحت وطئته .. لكنى سرعان ما اعود لقراءة تاريخ أهلى و بلادى .. و اعرف أن الظلام هو فعلا عذاب الشعب .. لكنه ليس مسؤليته وحده .. بدأ الظلام بكم أول فرد و هو عبد الناصر .. فأيام الملكيه كانت فى مصر حريات تماثل مايتمتع به الأوروبيين حاليا .. و مع حكم العسكر الذى تحول ألى حكم الفرد .. فهم عبد الناصر ( كما فهمها بعده صدام حسين و القذاقى و الأسد )أن الشعوب العريقه لو تنورت .. ثارت و تطورت .. فبدأ الأغراق فى الظلام .. و انتهت مهمه العهد الناصرى بتسليم سيناء و قناة السويس لأسرائيل ( كما انتهى عهد صدام بتسليم العراق لأمريكا ) و تسليم مصر كلها لحفنة مراكز القوى الفاسده تزيدها ظلاما و قمعا و قهرا .. تحررنا من هذا الفساد لوهله أيام الراحل السادات .. و انتصرنا فى معركه استرداد كرامة مصر كدوله .. لكن كرامة مصر كشعب .. لم نستغرق طويلا فى البحث عنها .. حتى قفز كلاب الأتحاد الأشتراكى و التنظيم الطليعى الأسبق ألى مكان الصداره فى البرلمان .. و طالبوا بتعديل الدستور لتحويل سلطات الرئيس ألى سلطات ألهيه فيما عرف بعد ذلك بتعديل الهوانم .. و سقط الراحل السادات فى فخ السلطه .. و زهزتها .. ثم سقط شهيدا بعد أن مارس سلطات الفرعون فى آخر ايامه .. ثم جاء الفاسد دون مهمه .. و دون فكر .. و دون عقيده أو أيمان بأى شىء .. فهو فاااااارغ .. تماما .. و سرعان ماسقط فريسه فى غاية السهوله لأضابير الحزب الواحد و الرجل الواحد .. أراجوزات عبد الناصر و السادات السابقين .. و تلاعبوا برأسه الفارغ أصلا من أى شىء و ضميره النائم منذ  زمن بعيد .. و هانحن ذا .. فى قاع الظلام .. اسفل السافلين .. فعلا عدونا ألأول  حسب( رأى الأغلبيه فى تقديرى ) هو عفاريت الجن التى تسبب عنوسة البنات .. و تقطع الخلفه و تضيق الرزق .. فمبارك و نظامه أغرقونا فى الظلام الذى لم ندركه من قبل ألا أبان الحمله الفرنسيه على مصر .. حين كان .المصريون يفقدون نصف تعداد السكان فى أول ملاريا .. اشعر بيأسك و غضبك .. لكن ما يؤكده التاريخ .. أن أول بصيص نور يراه الشعب المصرى سيغير الكثير .. فعلا سيقلب الموازين .. مازال هناك أمل .. مازال نعم ..فقط علينا فتح طاقات للنور .. كما تفعل أنت الآن .. توعى و تنبه و تلسع .. ليتعلم الناس .. ليتنوروا .. و ساعتها .. مؤكد ان المصرى الحقيقى سوف  يثور  

حسنا .. اعتذر ان جاءت كلماتى غير واضحة او مبهمة .. ولهذا سا عيد ما قصدته من جديد مع ملاحظاتى الجديدة على مداخلتك..

1- التدوينة اللى كتبتها تم تسجيلها وقت غضبك .. فى ثورة غضبك على ما اعتقد وبالتالى مش قدرت توصل فكرتك كويس للناس وده اللى عمل لبس فى الموضوع من البداية .. اكيد يعنى انت مش متوقع من نفسك تكون واضح وافكارك سلسة وقت الغضب

وافتكر انك بمجرد ما كتبت التدوينة -برغم وجودها فى المساحة الخاصة بيك- فانت عرضتها للمناقشة والا كنت اكتفيت بانك تتناقش مع اصحابك وخلاص على كده .. وبالتالى اتمنى انك تتقبل وجهة نظر الاخر مادمت فى حدود المعقول

2- بالنسبة للطريقة اللى عبرت بيها عن غضبك .. انا فضلت انى مش اعلق عليها فى مداخلتى اللى فاتت .. وبرضه هاتجاهلها المرة دى .. لكن حبيت بس الفت انتباهك ان غضبك هايقف حائل بين فهمى وطريقة تعبيرك .. لانى مش بقدر افهم اللى انت عاوز توصله بالظبط

3- اتفهم جيدا شعورك بالاحباط لانى اشاركك فيه لكنى على الاقل بحاول اقاومه ومش بستسلم ليه

4- انا مش اتهمتك انك بتناضل وانت قاعد فى بيتكم او انك بعيد عن الناس .. انا تصفحت تدوينتك وقريت فيها ملاحظاتك عن الانتخابات وعارفة انك على الاقل مشارك فى الاحداث .. واصلا مش من حقى انى اتهم اى حد باى حاجة .. ومش معنى انى مختلفة معاك فى بعض نقاط انى فاهمة ان كلامى انا وحده الصح وكلامك هو الغلط .. بالعكس .. كلامى فيه نقط كتير تحتمل الصواب والخطأ زى كلامك بالظبط .. وكل اللى بحاول اعمله انى اوضحلك وجهة نظرى وانى اتناقش معاك ومش شرط حد فينا يقنع التانى مادام الاحترام على الاقل موجود .. والاختلاف فى الرأى لا يفسد للاحترام قضية .. ولا انت ايه رأيك؟

نيجى بقى لمداخلتك الجديدة ..

السلبية اللى انت بتتكلم عنها انا معاك فيها .. وكفاية قوى حكاية عبير العسكرى لما كانت كل ما تستنجد بحد فى الشارع الناس كانت بتصدق على الطول البلطجية اللى كانوا بيعيبوا فيها .. من غير واحد ما يحط بنته مكانها ويتأكد اذا كانت الناس دى صح او غلط

لكن برضه برجع وبسأل السلبية دى من ايه؟ .. اللامبالاة الفظيعة اللى عايشة فى الشعب المصرى واتأصلت فيه للدرجة من ايه؟؟ .. غلط فينا ولا غلط فى نظام قتل اى بذرة مقاومة على اعتبار اننا بقالنا اكتر من عمرى وعمرك بنقول ان مش فيه فايدة واننا مش هانغير الكون .. يعنى بنكدب ونصدق نفسنا

بالمناسبة .. رد على الفقرة التانية فى كلامك .. فى شريط العناوين الاخبارية فى التليفزيون المصرى خبر من وزارة الداخلية ان اى تجمع فى الطريق العام بدون تصريح يعتبر اشغال للطريق .. وبالتالى الداخلية لها كل الحق فى التعامل معاه بالطريقة اللى تشوفها مناسبة

خبر تانى بقى .. فى برنامج الملف الخاص على القناة الاولى بالتليفزيون المصرى .. حصل شبه تبرأ من القضاة من الناس اللى نزلوا الشارع وتضامنوا معاهم

جه على لسان المستشار احمد مكى من خلال مكالمة تليفونية ان اعتصام القضاة اللى اعلنوا عنه يوم 25/5 كان المفروض يقام داخل بهو دار القضاء العالى .. لكن لانهم راحوا ولقوا الامن قافل المكان اضطروا ينزلوا الشارع .. ومن غير هتافات .. وان الناس التانية (يقصد كفاية والاخوان) لما حاولا يندمجوا معاهم طلب القضاة منهم انهم يبعدوا عنهم علشان يعملوا حد فاصل يبقى واضح مين القضاة ومين عامة الشعب .. وانهم لم يطلبوا من احد ان يتضامن معهم وان استقلال القضاء مطلب شعبى .. ومع ذلك محظور على القضاة النزول الى الشارع والاختلاط بالعامة

المناقشات اللى تمت فى البرنامج بتؤكد ان ازمة القضاة مجرد شأن داخلى وان كل الاطراف اخطأت بشكل او باخر .. وان القضاة -للاسف- استغلوا الرأى العام للضغط على الحكومة لاقرار مشروع استقلال القضاء

ولا تعليق

وعلى فكرة .. انا معاك ان المظاهرات بدون اى قيمة وانها مش هاترجع حق .. لا هاتخرج علاء وندى واسماء والشرقاوى ولا هاتخلى مالك وفادى اسكندر يحضروا امتحاناتهم فى لجان كلياتهم زى كل سنة

الاخت المعلقة دى اللى هى انا طبعا .. وانا مش مشجعة للناس اللى راحت انضمت لتامر فى محاكمته .. انا بس حبيت اوضحلك ان الناس بتتظاهر بمزاجها بصرف النظر عن اهمية الشئ اللى بيتظاهروا عنه .. طبعا لا مجال للمقارنة بين الحدثين يوم الخميس ومع ذلك تامر انضم للتابوهات اللى بتتكلم عليها .. عارف ليه؟ .. لانهم حسوا ان تامر قدم شئ ليهم .. لكن القضاة بتنشف ريقهم على ما ياخدوا حقوقهم من المحاكم

لان تامر حسوا انه واحد منهم .. مش فى برج عاجى زى ما حاول المستشار حسن رضوان انه يؤكد اكتر من مرة فى برنامج الملف الخاص .. وانه يفهمنا انهم من طينة واحنا من طينة تانية .. وان اختلاطهم بالعامة غير مرغوب فيه .. طيب هو العز بن عبدالسلام اشهر قاضى فى تاريخ مصر كان بيعمل كده؟؟

هو فيه معارضة اصلا؟ .. انا مش عاوزة اكرر كلام اتقال اكتر من مرة .. بس انا مش حاسة ان فيه عندنا رأى ورأى اخر .. وساعات كتير بحس ان الناس اللى عندها رأى اصلا ناس شاذة جاية من المريخ مثلا

انت بتتكلم على ان المعارضة تحشد ناس .. يا ترى المعارضة تقدر تعمل كده فعلا؟؟ .. المعارضة بقت الوجه الاخر للسلطة .. وزى الناس ما فقدت الثقة فى النظام .. فقدت الثقة فى النص التانى كمان .. لانك علشان تقنعنى يوجودك لازم تورينى انجازاتك .. والكل عارف ان انجازات المعارضة = صفر

اسفة لانى طولت فى كلامى ... وجايز تكون مداخلتى دى مش هاتضيف اى جديد بالنسبة لك لكن انا مقتنعة ان التغيير مهما كان مش هايحصل غير مننا وبينا .. لكن كل اللى محتاجينوا وسيلة مناسبة تحطنا فى اطار محترم .. مش مجرد بغبغانات بتهتف وناس خارجة عن القانون

أنا و أصحابى كنا فعلاً محتارين نروح المظاهرات وللا لأ و ضميرنا مأنبنا. بس إنت فعلاً معاك حق فى كل كلمة قلتها و فعلاً مش حنروح لا الخميس الجاى ولا أى مظاهرة

شكراً يا أخ هيثم على صراحتك و أمانتك اللى أنقذتنا من غلطة كبيرة كنا حنعملها 

http://www.manalaa.net/from_alaa_to_abeer

من علاء إلي عبير العسكري

 violena : مش موضوعي دلوقتي اناقش سبب السلبيه و عواملها و طريقة مقاومتها و علاجها .. هدفي دلوقتي هو ازاي نتعامل معاها و على اساسها .. و ايه اللي المفروض الحركه تقوم بيه وفقا للوضع الحالي .. لان تغييره ممكن ياخد قرون

..

الخبر الثاني بتاع القضاه لو صحيح يبقى كما توقعت .. استغلال متبادل ثم الى اللقاء

.. 

 عامة حانشوف

..

متفق معاكي تماما في موضوع مظاهرات تامر .. تعبير برضه عن حاجة الناس للبحث عن بطل او رمز .. بس يفضل التحرك من اجل المضروبين و المسحولين اكثر منطقيه و انسانيه وواجب الحدوث .. و عدم وقوعه اكثر مدعاة لليأس و النرفزه

اخيرا انا اسف لاسلوب كلامي .. لكن الغضب يعمي البصيره

========================

حاحاول اكون مرتب شويه عشان نعرف نتناقش بوضوح
:

1- رأيي الشخصي ان الناس حاتتحرك لما تبقى القضيه قضيتهم الخاصه جدا  حاقول تاني اني مؤمن جدا بان الشعب مش سلبي على الاطلاق فيما يتعلق بمصلحته الخاصه .. و ده طبيعي .. و هجومي على جموع الناس كان بسبب واقعه معينه .. اخطأت ساعتها و اعتبرتها بدايه كويسه لتحرك شعبي .. من منطلق انساني .. لكن الظاهر اني غلطت زي ما اصدقائنا في المعتقل دلوقتي غلطوا و صدقوا .. طلع الموضوع اعقد من كده بكتير ..  فرض الدوافع على الناس مش حاينفع .. كده احنا بنمشي عكس الاتجاه المظبوط .. ما ينفعش افهم اللي رايح و اللي جاي انه لازم تتضامن مع مطالب القضاه الخياليه بالنسبه له حاولت مره افهم صديق مضمون الازمه قاللي : كويس انهم لاقيين شغل اساسا .. و في مثال ذكره احد المعلقين مهم جدا وهو اضراب عمال المراقبه الجويه .. تفتكروا حد من الشعب ممكن يتعاطف مثلا مع ناس بتطالب بزيادة مرتباتها كام الف ؟؟ .. اللي لازم يحصل هو ان الناس تفرض قضيتها ع النظام اولا .. و حركات المعارضه هي اللي تتبناها  .. و الساده اللي علقوا بان ثورات زي الثوره الفرنسيه و 36 و 19 و احداث يناير كانت تحركات شعبيه صرفه  نسوا ان القضيه اللي اتحركت عشانها الجماهير ماكانتش صراعات حزبيه او تقاسم سلطات عليا او تعديلات دستوريه .. و ان النخبه حركت الجماهير  واستغلت التحرك ده فعلا بس بعد اشتعال الثوره اصلا .. مش العكس , ليا تجربه مع صديق في حمله انتخابيه لمرشح عن حزب الغد في الانتخابات البرلمانيه الاخيره .. فشل فشلا ذريعا واحد الاسباب انه كان بيخاطب الناس بالمنهج ده .. انت جعان و تعبان و مطحون بسبب الحكومه و الفساد و الفراغ الدستوري و القانوني و مش عارف ايه  . انتخبني و انا حاحل كل مشاكلك .. على الجانب الاخر مثلا كان مرشحي الاخوان في الدوائر الاخرى بيطرحوا حلول لمشاكل حقيقيه و بسيطه  من غير فذلكه سياسيه و بيطرحوا اكتر من كده حل شامل بيداعب  الحلم الاسلامي التقليدي .. الاتنين بيخاطبوا الشعب لكن في اتجاهين

مختلفين .. و يظهر ان اتجاه فرض القضايا غير نافع لا تاريخيا و لا عمليا

قدرنا دلوقتي ان اغلب الشعب امي او ع الاقل غير مثقف سياسيا .. الحل مش تطبيق حركات سياسيه بنماذج خارجيه قد مايكون التعامل مع الواقع الشعبي بدلا من الاستعلاء عليه .. اما ازمة التعليم و التثقيف و خلافه .. تتحل على مهلها .. و بالقطع حاتتحل بعد تغيير بنية الفساد و نظامه
 

 2- نتيجه للكلام اللي فات ... انا مقتنع تماما ان قضيه زي قضية القضاه هي قضية رفاهيه بالنسبه للكثير من جموع الشعب .. ان لم يكن غالبيتهم الساحقه .. بالظبط زي قضية مراقبي الطيران و ممكن اكثر تعقيدا و انغلاقا .. و تلافيفها الدستوريه و الحقوقيه و القانونيه صعبه في الفهم حتى على الشخص المتابع المتعلم المسيس نسبيا , انا كنت ضد استغلال ازمة القضاه من البدايه .. ببساطه لانها قضية نخبه .. عندي احساس اليومين دول ان الموضوع كله عباره عن كوكب من النخب بتتظاهر و بتتصارع مع بعض .. و باقي التسعين في الميه من الناس بتبص عليهم من بعيد و بتتفرج .. ايه الاستفاده اللي حاتعود عليا من قضيه زي دي ..  طبعا القضيه عادله لكن البلد مليئه بقضايا عادله ايضا و اكثر اهميه و احتكاكا و ارتباطا بسكان مصر الاصليين , من غير المسيسين .. تقبلوا تفكيري المتواضع لكن قضيه زي انفلونزا الطيور , العباره , نقص الخدمات , الاسعار , الدعم .. كلها قضايا كان احسن للمعارضه الف مره استغلالها في تحريك الجماهير ضد النظام .. لكن لأ .. المعارضه نخبه لا تنزل الى مستوى الناس العاديه .. للأسف احتكيت كثيرا بجهات معارضه مصريه و مش عايز احبط القاريء بس ده التفكير السائد ... يا سيدي طب المعارك القانونيه شيء بديع و مهم و خطير لكن اتركها لبلد فيه تطبيق كامل للقانون .. او حتى فهم شعبي ليه و لمواده ..ايام تعديل الدستور نجحت الحمله الحكوميه ببراعه و باكتساح في توجيه الرأي العام و ده حقيقي .. لانه ببساطه تم تصوير المعارضين للتعديل باعداء الديمقراطيه .. قضايا النخبه قضايا خاسره يا ناشطي المعارضه .. دي الرساله اللي عايزها تتقرا عندي هنا .. انزل و اتظاهر و اصرخ و نفس عن غضبك بس  اوصل لحاجه في الاخر

3-   ده ينقلنا للمعتقلين ..  ارجو ماحدش يخلط بين العمليه و  بين السلبيه او الهروب .. لما دعيت الناس انها ماتنزلش يوم الخميس .. كان قصدي على الخميس .. مش في المطلق .. البروفيسورات المعلقين  اللي عطوني محاضرات عن الوطنيه و الشعب و التحرك و الثوره فاتهم ان كل فعل لابد ليه من هدف .. و هدفنا النهائي هو احداث تغيير ..  طيب اذا كانت القضيه اللي بندافع عنها لا تؤدي لهذا التغيير فليه تضييع الجهود ؟؟

سؤال بسيط لكن اجابته غايه في الاهميه ..  ليه اضحي بكوادر و مجهودات و وقت ( و ده الاهم )  في سبيل  قضيه لن تعود على هدفي بنتيجه ؟؟ تاني حايطلع رأي يقول ان القضاه قضيه مهمه .. و انا معاه .. القضاه و استقلالهم قضيه نخبويه مهمه .. و جايز يكون ليها تأثير غير مباشر على الحياه اللي بيعيشها الاف الناس في الشوارع لكن ..  هل انا اقدر دلوقتي اتحمل رفاهية مساندة القضاه في تعديلات للقانون و منع اتنين انهم يتأدبوا ؟؟

و بعيدا عن كلام الافلام الوطنيه .. عن اهمية العداله و رجال القضاء الساهر  خلينا صادقين مع نفسنا : حركة المعارضه حاولت تستغل قضيه زي موضوع القضاه ده بهدف الوصول لنتيجة العصيان المدني .. او حتى تكوين رد فعل شعبي محترم يوصلها للعصيان المدني في النهايه .. .. لكن و كأخطاء المعارضه الكثيره جدا ... اعتبر ده واحد منهم ..  طيب رأي اخر بيقول ان تعديل القانون و تحقيق استقلال القضاء خير على البلد و قضيه لابد من الدفاع عنها .. و حارجع تاني و اقول اوكي ..  لكنها مش اهم و لا اكثر قضيه عاجله في البلد ..  و الازمه اللي اتكونت بسببها  في الحقيقه غير مقنعه بالمره .. حتى بالنسبالي شخصيا .. اراء اخرى بتحاول تربط التضامن مع القضاء بمحاولة محاسبة المسئولين عن تزوير و تلفيق الانتخابات البرلمانيه .. و ده كلام جميل غير انه مش وافعي ابدا .. قدام القضاء حاليا مئات الطعون تشكو من سير العمليه الانتخابيه .. منها قضية مصطفى الفقي الشهيره اللي بيظهر صاحبها حاليا في كل الشاشات فخورا بمنصبه في مجلس الشعب .. و حتى اذا نظرت هذه القضايا و صدر فيها حكم او تقرير بالتزوير .. هل سيوافق مجلس الشعب (( سيد قراره ))  على فصل او وقف او رفع الحصانه ان اي عضو ثبت تزوير نتيجته ؟؟؟

...

و حتى تأديب القضاه المتواطئين هو شأن داخلي لن يعود بفائده على اي شخص تم تزوير صوته في انتخابات دمويه .. و تأديب قاضي او اتهامه بالتزوير ... غير ذي اهميه لان القاضي المزور في الحقيقه مدعوم بسلطات فاسده عليا سمحت له بارتكاب هذا الفعل و تضمن له بالطبع حمايه تبررها بانها حمايه لوجودها هي

..

في النهايه .. و كتلخيص .. نظرتي لقضية القضاه انها قضيه خاسره ( بالنسبه لفرصة التحرك الشعبي )  و رهان خاسر تماما للمعارضه .. و استغرب الحقيقه ممن يتمسك بها حتى الآن كقضيه قد تجلب دعما شعبيا .. صور ضرب و سحل المعتقلين و غلق وسط البلد بالضبه و المفتاح ضمن لها انتشارا و دعايه كبيرين .. فهل يا ترى كان الرد الشعبي .. بحجم ما بذل من تضحيات ؟؟؟

ياخي بالبلدي كده .. اذا كان الناس لم تتحرك و هي ترى النساء و الرجال تضرب و تهان و تركل بالشلاليط .. حاتتحرك اما تقولها او تحكيلها عن ضرورة فصل السلطه القضائيه عن التنفيذيه او حتى عن التزوير في مجلس الشعب ؟؟

حاجه كمان .. ياترى الضغط النخبوي و الاعتصامات العشريه ( من رقم عشره )  دي حقت نجاحات قبل كده ؟؟  قضية ايمن نور .. قضايا السودانيين و الدستور و الانتخابات ؟؟ 

هناك وجهة نظر تتلخص في ان الحراك السياسي الحادث الآن سببه حركات  التغيير في السنتين الاخيرتين .. و انا اسف لكن تصوري هو العكس .. انا مقتنع تماما ان العكس هو الذي حدث .. التغيير الذي حدث في البلد .. بسبب الضغط الخارجي و وسائل الاعلام و ثورة الاتصالات و الوشع الاقليمي و اطول المدة الشلل الساسي و التطور الطبيعي للتاريخ هو الذي سمح لهكذا حركات بالنمو و الحركه و الشعور باحداث تأثير .. صحيح ان المظاهرات الغير مسيسه من شباب غير حزبي كانت شكلا جديدا لكن ..  المظاهرات مش جديده في مصر .. و من انتمى لشباب او كفايه و نزل الشارع لم يخترع مظاهرات .. و لم يكن اول من يناضل او ينزل الشارع .. الفارق الوحيد ان في السنتين الاخيرتين .. كان  من يتظاهر يستطيع ان يعود الى بيته سالما .. حتى وقت قريب .. و عرفنا لاحقا ان كل هذا هو نوع من الحريه المنقوصه ..التي تستطيع الدوله ان تسحبها في اي وقت تشاء .. و بقوانين لم نكن نعلم اصلا بوجودها

..

اما نسبة الوعي الشعبي او ثقافة النضال لمجموعه بسبب تحقيق مكاسب اعلاميه .. فهذا يظلم جهود مئات ممن اعتقلوا او اهينوا او حتى قتلوا  قبلها بكثير.. و على راسهم بالطبع جماعة الاخوان التي احترم جدا تضحيتها في سبيل هدف معين .. لا يجب بالضروره ان نتفق عليه و لكن نحترم ما بذل في سبيله .. قبل السنتين بكثير

4- علاء و مالك و شرقاوي .. مناضلين في سبيل قضيه .. و ده شيء يستحق الاحترام البالغ ... و انا عارف ان وقت زي ده مشحون  و مليان بالعواطف قد يسم اي نقد او تحليل بالعدوانيه .. حتى لو كان عقلانيا .. لكن

..

المعلق الاخير ( و يظهر انه حد قريب )  ساب رابط لعلاء و رسالته لعبير العسكري لما سمع عن اللي حصل ليها .. و انا هنا حاقتبس من كلام علاء :

أقولك ايه بس والواحد مكسوف من نفسه، اتلميت في قبضة هبلة ما تستاهلش وقاعد فى الحبس أشمشم على أخبار عن يوم الخميس، كل ما أسمع عن ضرب أو مظاهرة أفرح علشان لما حاجة بتحصل، علشان الضغط ممكن يطلعنا بدري وعلشان كده حبسي له لازمة. لحد ما جه يوم الحد ووصلت الجرايد، قعدت أتفرج على الصور بسعادة ونشوة لما أشوف الضرب باين ازاي، الصور دي هتولع الدنيا.

مانكرش ان جاتلي حاله من الإكتئاب بعد ماقريت الكلام ده ..مش محتاج اعلق بس .. انت غلطان يا علاء .. للاسف غلطان .. مافيش دنيا حاتولع و لا حاجه .. متوقع مثلا عصيان مدني ؟؟ او حتى وقفه احتجاجيه عارمه او اكتر شويه من كام ميه ؟؟.. و بكره الخميس اللي علاء مستنيه ممكن يعدي و مئات تانيين يتاخدوا و يتضربوا من غير رد فعل ..  طبعا كلام علاء بيبين قد ايه هو مستني يخرج .. و بيحاول حتى يثبت ان سجنه و بهدلته مش ع الفاضي .. و ان سجنه عمل حاجه  .. انا كلامي حيزعل و يثير عواطف ناس كتير لكن للأسف يا علاء القضيه اللي اتمسكت فيها .. مش حاتوقع النظام .. ممكن تكون جزء من تراكمات تعمل خلفيه كويسه .. لكن مش هي دي القشه اللي انت مستنيها

..

نيجي لنقطه بقى اتذكرت كتير : النظام مش حايقع بين يوم و ليله .. و انه محتاج تراكم من القضايا اللي تهز الراي العام و تديله رصيد من الذاكره عن انتهاكات و غيره .. و ده كلام منطقي و دقيق و موافق عليه لكن .. تاريخيا اللي بيفضل هو قضايا في الشارع و قضايا النخبه بتفضل في ذاكرة النخبه .. و في تصوري ان الناس لو اتحركت حايبقى في دماغها الاسعار و الفراخ و المرتبات و الحكم غير الاسلامي و امتهان الانسانيه اكتاريخ داعي للحركه اكتر بكتير مما حيفضل القضاه او الدستور او الانتخابات او حتى المعتقلين

..

لازم ندفع تمن .. و مافيش حاجه تيجي بالساهل و انا مع اللي قال كده .. و مش حادافع عن نفسي و اقول اني مش بخاف لاني بخاف .. و مش حاقول اني في السنه اللي فاتت بس اتعرضت لمواقف كانت حياتي في خطر من الامن و البلطجيه و المواطنين العاديين .. و اقرا شويه المدونه و المواضيع القديمه و انت تعرف .. بس حاقولك و ده حقي اني مش مستعد اتحبس او اتكسر او انضرب او حتى اموت في سبيل قضيه مش حاتغير كتير .. يعني مش حاطلع مثلا مثلا في قضيه لمناصرة حقوق الشواذ في البلد .. او حقوق البهائيين .. مع اني مع  القضيتين بنسبة ميه في الميه .. لسبب بسيط .. هو ان القضيتين مالهمش بعد شعبي .. بالعكس ممكن يكون ليهم جانب و رد فعل سلبي جدا من الناس ..  الرومانسيه و الكفاح من اجل اليوتوبيا غير مجدي عمليا الحقيقه .. لازم نتكيف في النزول مع الاولويات .. و تاني حارجع لعلاء و مالك .. منظر المظاهره اللي مكونه من 20 و تلاتين واحد و بتتلم للمعتقل مشهد مثير لمشاعر كثيره .. اولها عدم  .. جدوى الصريخ و الزعيق و تفتيت الجهود في سبيل قضيه غير حيويه

..

انا خلصت لكن حاقتبس حته من خبر  لرويترز قريته النهارده

لقاهرة (رويترز) - قالت وزارة الداخلية المصرية يوم الثلاثاء إنها لن تسمح بالتظاهر خلال محاكمة قاضيين بارزين يوم الخميس الا بإذن مسبق منها ودعت وسائل الاعلام الى الحصول على تصريح من المحكمة لحضور الجلسة. لكن نشطاء قالوا إنهم لن يرضخوا للحظر.

وقالت الوزارة في بيان إنها تحذر من التجمع والتظاهر خلال جلسة هذا الاسبوع "دون الحصول على تصريح مسبق."

وأضافت أن المظاهرات التي نظمت خلال الجلسة التي عقدت الاسبوع الماضي كانت "مخالفة صارخة للضوابط التي حددها القانون مما أوجب اتخاذ الاجراءات القانونية ومباشرة النيابة تحقيقها."

و

وقال النشطاء إنهم يستعدون لتحدي الحظر. وقالت رباب المهدي التي تساعد في تنظيم الاحتجاجات "لا يمكنني أن أقول إنني غير خائفة... المخاطر شديدة لكن الاهداف (التي نسعى اليها) أخطر. مستوى التعبئة الذي نراه الان في مصر... هو لحظة مواتية لفرصة (لتغيير الحكومة)."

لحظه مواتيه لتغيير الحكومه ؟؟ ياترى الكلام ده على كوكب النخب المتصارعه ام في الشارع ؟؟

الحقيقه هذا ماسنراه غدا الخميس .. جل ما اتمناه هو ان يسقط النظام غدا لكن ..

 ...

اتمنى ان اكون مخطئا في النهايه

سلام عليكم ..
برغم تسجيلك لتدوينة جديدة .. لكن احب الاول اسجل ملاحظاتى على المداخلة دى ..

انا مختلفة معاك فى البداية فى ضرورة معرفة اسباب السلبية .. بصراحة يعنى .. انت مثلا ممكن تتعامل على اساسها .. لكن هاتتعامل ازاى معاها من غير ما تعرف اسبابها؟
ما هى المشكلة انك مش عاوز تغيير لحظى وخلاص .. بالعكس .. انت عاوز تغير شامل والغاء للسلبية دى وتعامل على اساسها مش هايحقق الغرض ده

بالنسبة لموضوع القضاء للاسف انا لما سمعت الكلام من المستشارين نفسهم حاولت اكدب نفسى او ادعى انى فهمت غلط وانى كنت مشغولة اثناء كلامهم علشان كده مش فهمت صح .. لكن لانى كنت لسه بتناقش فى انه بالرغم من رأيى فى ان موضوع ازمة القضاء شأن داخلى وان من حق الشعب يتضامن مع اللى يشوفه صح .. كان على الجهة التانية ناس بتقول انه مجرد استغلال مصالح .. ودول للاسف اكدولى الكلام اللى انا سمعت وحاولت اكدبه

طبعا متفقة معاك تماما فى انه الاولى ان الناس كانت تتظاهر علشان الناس اللى اعتقلت واتسحلت .. مش علشان واحد مسجون بتهمة مدنية وعسكرية مهما كانت شهرته .. وعلشان كده بقولك الناس ببتظاهر بمزاجها .. وهمومنا مش واحدة للاسف .. لانك لو حبيت تقارن بين الناس اللى طلعت ورا تامر والناس اللى طلعت مع القضاة هاتلاقى دول من طبقة ولهم اهتمامات .. ودول من طبقة اقل ولهم اهتمامات تانية خالص .. لان اى تغيير فى اى مجال بيأثر عليهم وحدهم للاسف

بجد .. سعيدة ان الحوار بينا اخد المنحنى ده

لو جينا لترتيب نقاطك ..
1- معاك طبعا فى كل حرف فى النقطة الاولى .. بس معترضة الحقيقة على وجود معارضة فعلية من الاساس

2- برضه متفقة معاك فيها .. لكن انا لو فاكر ان الناس ممكن تتحرك علشان تصد قضية فساد تبقى غلطان .. لانهم اصلا اتعودوا على كده .. للاسف سبب من اسباب السلبية هو اقتناعهم الداخلى بان الفساد منتشر وان صوتك او وجودك نفسه مش ليه اى اهمية
لو راجعت تانى صور الاعتقالات وقت المظاهرة والعنف هاتعرف الناس دى مكبوتة قد ايه .. ومش فيه فرق فى الكبت بين عسكرى ومدنى .. الكل للاسف بيستغل سلطته الاعلى فى قهر الاصغر والاصغر بيستخدم سلطته لقهر الاصغر وهكذا .. سلسلة مفتوحة من غير ما توصل لاى شئ .. علشان كده الناس بتفكر الف مرة قبل ما تتصادم مع الحكومة والنظام فى الشارع .. لانهم ببساطة عارفين ان مش هايكون فيه واسطة او ضهر يتسندوا عليه لو العائل الاساسى للاسرة اعتقل او اصيب بنيران صديقة زى ما حصل فى مظاهرات جامعة اسكندرية من كام سنة

3- حبيت بس اعلق على نقطة القضاة المحالين للتأديب دلوقتى
المفروض ان القضاة قدوة .. تخيل اتنين من القضاة بيرفضوا المثول امام القانون والرضوخ ليه .. تفتكر الشعب ممكن يثق اصلا فى سلطة اعضائها نفسهم مش واثقين فى بعض؟؟
انا دلوقتى مش بناقش شرعية احالتهم من عدمها .. لكن انا لسه مقتنعة بان مش فيه حد فوق القانون وبالتالى كان لازم يخضعوا للمحاكمة لو هما واثقين من نزاهة القضاء وان العدالة فعلا عمياء زى ما بيحاولوا يقنعونا

متفقة معاك تماما فى الكلام اللى قلته بعد كده .. واحب اضيف كمان ان فى مداخلة من مستشار فى برنامج الملف الخاص اكد على وجود تزوير فى الانتخابات لكن المحاور للاسف مش خلاه يكمل كلامه وقاطعه بسؤال عن رد فعله تجاه الاحداث دى لو كان اللى بيقوله صح .. رد عليه المستشار انه بينتمى لنادى القضاة وبالتالى فهو قدم مذكرة تفيد بوجود تزوير فى اللجنة اللى كان مشرف عليها بمساعدة الامن اللى اغلق خلفه اللجنة ومنع باقى زملائه من دخولها .. وطبعا لاحياة لمن تنادى
الدورة البرلمانية الجاية يمكن يتعلموا الدرس ولو ان ده اصلا شئ مشكوك فيه من البداية

افتكر ان حالة التحرك الحادثة الان هى نتيجة مباشرة لحالة احتقان تعامل معها الامن بعنف ليزيد الاحتقان ده .. واتمنى ان تصريفه مش يتم فى صورة عمليات زى الازهر ودهب

مش لاقية تعليق على شئ تانى .. انا معاك فى كل كلمة لكن مش معاك طبعا فى مناصرة حقوق الشواذ او البهائيين مش علشان ليهم رد فعل سلبى لكن لاسباب تانية كتير مش هو ده مجالها ولا هو ده وقت مناقشتها علشان النقط مش تتفرع ونخرج عن مسار الموضوع الرئيسى

شكرا لان المناقشة معاك بالطريقة دى رتبت افكارى

violena : معلش .. عشان ما يتفسرش كلامي غلط .. انا شايف ان قضية القضاه عادله جدا .. و لو بصتي اعلى المدونه ع اليمين حتلاقي باتر التضامن معاهم .. و مختلف معاكي في ان القضاه في الحاله دي بالذات بيتهربوا من القانون .. فكرة تعرضهم للمحاكمه امام خصومهم خارج نطاق العدل اساسا .. و للموضوع كمان ابعاد سياسيه و ظروف تانيه .. كل اللي قلته ان مش دي اهم و لا اكثر قضيه تستحق النزول 

...

انا مصر ان الحركه غلطت لما استغلت الموضوع و كبرته .. رهان خاسر .. للأسف  

انا عارفة انك متضامن مع القضاة .. وانا كمان معترفة انى متضامنة معاهم لانها مش جريمة .. وفيه بانر زى بتاعك محطوط فى المدونة بتاعتى انا كمان

انا اللى معترضة عليه تهويل القضية للدرجة دى .. سواء بايد المعارضة او بايد القضاة -المحالين- نفسهم

وعلى كل .. يظهر ان اللى نزل للمظاهرات المرة دى اكبر من المرات اللى فاتت ..

http://misrdigital.blogspirit.com/

واتمنى ان يكون فيه فايدة ولو ان الامل فيها ضعيف

انا اسفة ..

نسيت اوضح انى مع استقلال القضاة .. ومش مع استمرار بعضهم فى برجهم العاجى

بالمناسبة , لو إنت يا عم هيثم اللى كنت مكان الأخ اللى فى الصورة اللى معدى جنب المتظاهر اللى بيتضرب عالأرض , كنت حتعمل إية؟ وللا انت إبن جبانة راخر؟ 

الشعب المصري من الرعاع الا حبه صغيره

وملعون ابو ا�