ايه الخرا ده ؟؟

Submitted by jarelkamar on Fri, 05/12/2006 - 12:48am.

انا عارف ان اي كلام حاكتبه لازم حايكون ممل و مستهلك و اتقال قبل كده كتير .. مالقيتش حاجه تتقال لما مسكوا صديق شخصي عزيز جدا عليا هو مالك .. و مالقيتش برضه كلام اكتبه لما مسكوا علاء اللي بحترمه جدا مع اني قابلته مره واحده في حياتي .. و النهارده مش عارف اقول ايه وانا شايف البلد بتتحرق و الناس بتتداس بالجزم في الشوارع .. يا شعب ياابن الجبانه امتى حاتتحرك ؟؟ مش حاقول ملعون ابو حسني مبارك لكن حاقول ملعون ابو اهلك يا مصر .. لو جابولنا ملايكه او رسل تحكمنا حايعملوا فينا اكتر من كده .. عايز تعرف حجم المصيبه اسأل اي حد في الشارع عن المظاهرات او القضاه او حتى الانتخابات حايقولك دول حبة خونه و عايزين يسرقوا البلد و يدخلوا امريكا تحكمنا .. شعب عايش ع البخور و الشرايط والمعجزات و الاعشاب و الاهرام و هيفاء وهبي .. قضيته الاساسيه ازاي يحمي نفسه من الجن عشان مايلبسوش ... و مش واخد باله انه لابس اساسا خازوق متين هو مش حاسس بيه .. انا اسف بس بلد اموات زي دي حرام نضيع في سبيلها حياتنا او حريتنا يوم واحد .. احنا لو كنا حيوانات كان اللي نايم أو اللي بيدور على واحده يظبطها أو اللي بيكافح عشان يجيب موبايل موديله احدث , اتحرك لما يلاقي اللي من نفس فصيلته بينضرب و بيتشاط بالرجلين .. بلاش حتى يدافع عنه .. ع الاقل يسأل هو ايه اللي بيحصل .. ياخي ملعون ابو الشعب الف مره .. الكام ميه اللي اتحركوا و هزوا مؤخراتهم عشان يحضروا محاكمة البني آدم اللي اسمه تامر و قعدوا يهتفوا بحياته دول .. لو كانوا راحوا النهارده المظاهرات كان اللي حصل حصل ؟؟ ياترى ماشافوش شارع رمسيس مقفول النهارده ؟؟ ماسمعوش عن 350 واحد اتمسكوا لمجرد انهم واقفين بيهتفوا ..؟؟ و ياريتهم بينادوا بحاجه مالهاش علاقه بيهم .. او بيدافعوا عن قضيه في كوكب اخر .. بلدنا اللي مليانه حقد و كره و طائفيه و فقر مليانه برضه جهل باقل حقوق العيشه و اللي عايشينها .. انا كلامي منحاز جدا لطبقه انا عارف انها ماتكملش واحد في الميه من الناس المتعلمه اللي نفسها تعمل حاجه .. بس صدقوني ماينفعش .. ماينفعش تحاولوا تغيروا حاجه التسعه و تسعين في الميه مش فاهمين انتوا عايزين تغيروها ليه ... رجاء حار الى كل من يفكر في حضور اي مظاهره .. او التضحيه بحريته في سبيل مصر .. خليك في بيتكم .. انت اهم من كل السبعين مليون اللي قاعدين في بيوتهم برضه .. بلدك بلد زباله .. ماتستحقش ضفرك .. و شعبها ازبل و ازبل  .. و حاتعرف كويس لما تتسجن عشانهم بعدين تخرج ان ولا حاجه من دي كانت تستحق .. الناس في الشارع حاتفضل كده .. و الناس اللي فوق حاتفضل كده .. و بلدك كده اساسا من اول ماتوجدت وحاتفضل كده .. مصر مش حاتتغير صدقني .. ع الاقل طول مانا وانت عايشين .. و  ملعون ابو كلام المثقفين و الفذلكه و النضال .. ياريت تبله و تشرب ميته .. افيدلك ..