جار القمر

اولا حمد لله على سلامتك يا صديقى العزيز

فى حاجة مبهجة زى دى وفى بلد ولا أروع زى دى انصح بقرآة نجيب سرور

ولا بلاش انزل احسن اتفرج لو كنت ساكن فى اسكندرية حاجة من اتنين ياتموت وكده يبقى ربنا رحمك من الحلاوة اللى احنا فيها يا تتصدم او تتحبس ودى حتبقى تجربة حلوة

أقول ايه بس إيخىىىىىىىىىىىىىىىىى ايه القرف والزبالة دى

اما عن حكاية مسيحى ومسلم فقناعتى ان اجتماعيا العلاقات كويسة(يا ريت تكون لسه)

الإختلاف بيبقى فى العقائد

انا عن نفسى فى ناس كتير مسيحين صحابى يا جماعة متتنفخوش انا مبقولش يحيا الهلال مع الصليب وبحبك يا شبرا يا جامعه محمد وعبد المسيح انا بتكلم عن اجيال جاية حتبقى قصص وتاريخ اللى حصل

وتيجى الأم تطلع الصورة شايف يا حبيبى صورة جدو ده اللى قتلوا المسلمين
والعكس صحيح طبعا وحنبنى فى النفوس والعقول سلسلة من الكراهية والأجيال اللى مليانة غل

صدقونى يا جماعة والله الحكاية مش بتاعت يوم ولا اتنين محدش بينسى اسأل كده اى حد من اسكندرية عن غيط العنب ولا فى القاهرة عن حادثة شبرا حيقولك اه دى اللى مسلمين والمسيحين قطعوا بعض فيها,ده غير المرة دى ان الولعة بتزيد

والله كله جهل فى جهل ,بصوا انا مش عارف أقول ايه

انا حستعير جملة من صديق مسيحى قالهالى تانى يوم احداث الجمعة

قاللى الحل انك تصلى وانا اصلى