جار القمر

كمان نسيت أقول حاجه من كم الاحباط والقرف اللى عندى 

 انتم مش ملاحظين ان الحكومه بدأت تكرر اللعبه القذره اللى لعبها السادات قبل كدا فى السبعينات وبعد موالسة الحكومه طوال العشرين سنه اللى فاتت على الاخوان وتركهم يفعلون مايريدون فى المساجد والجامعات والتقييد الشديد لليسار المصرى واﻷحزاب اليساريه وشل دورها المحورى فى العمليه السياسيه

جت الحكومه دلوقتى بعد نتائج الانتخابات اﻷخيره وحصول الاخوان على 15% من مقاعد المجلس رغم أنف الجميع وفرض نفسهم على الساحه السياسيه بكل قوه بل وظهور مناقشات معهم وحولهم فى التليفزيونات المصريه والعربيه مما كان نادرا أو محظورا قبل ذلك

 طبعا هذا النظام المستبد مفيش فى جعبته غير اللعبه الغبيه والقذره دى بانه يرجع تانى يشجع اليسار ويديله مساحه لانهم عارفين ان اليسار بتاع حوار مش بتاع عنف

وبدأت لعبة اشعال الفتنه الطائفيه من جديد للعب على وتر اﻷخوان ومحاصرتهم

والله مانا عارف هل اعتقادى دا صح ولا غلط وفى الحالتين احنا فى كارثه يعلم الله الى ماذا ستنتهى بنا

وحسبى الله ونعم الوكيل

بستريح قوى ياجدعان لما بقول الكلمه دى