جار القمر

طيب بكل صراحة كده، لو أنت مسلم و قرأت التعليق ده مش هتتكسف أن الشيئ اللي كتبه ينفع يتحسب عليك؟

بلاش دي لو أنت بني أدم، بلاش دي برضه، لو أنت من الثديات و قرأت اللي مكتوب فوق من الشيئ اللي مسمي نفسه مسلم ده مش تتكسف أنه محسوب  شبهك؟

الراجل بيقولك لو اللي عمل بلطجي يبقى وحش و لو اللي عمل بدقن تبقى غلطة المسيحيين (يعني الرك مش على الجريمة، ولا حتى على المجني عليه، الرك على الجاني، دي أنه أية في القرآن دي بقى؟)

و كمان بيقولك قلبه وجعه عشان الناس اللي اندبح من وسطيهم واحد وقت صلاتهم علوا حسهم لما الظباط اللي بدل ما يحموهم بيقمعوهم حبكت معاهم الصلاة في اللحظة دي و في الحتة دي بالذات و بآذان بمايكروفون.

صح و الله عداه العيب، ده كان مفروض يسكتوا خالص لما صوت الآدان يطلع و كمان يمسحوا دم الضحية عشان عيب برضه نسيب وساخة قدام الجامع.

و بعدين يرجوا أن تهدأ الأمور و تستقر عشان نرجع نحاول نلم الجزية و كده، أصلهم كلهم أغنياء و مخبيين كنوز دهب في كنائسهم اللي مليانة ذخائر أسلحة.

عموما هما فعلا مش زميين هما بني أدمين (و ده اختراع سابق للرسول) و مواطنين (و دي بدعة طلعت بعد الرسول) ده بقى ايه علاقته بحقهم في الحياة؟

يا ريت بعد كده محدش يتكلم عن أغلبية مسلمة معتدلة، فيه أقلية مسلمة مخبولة و مهبوشة في دماغها زي جار القمر كده و في أغلبية مسلمة زي الباشا مسلم ده و ما خفي كان أنيل بستين نيلة